Suliffimmik nuannarinninneq ataatsimoornerlu KNI-mi nukittuumik inissisimapput

Suliassat isumaqarluartut, suleqatitsialaat ataatsimoornerlu – KNI-p 2026-mi Sulisut naammagisimaarinninnerannik misissuinerani nukittoqqutitut taaneqarsimapput. Sulinermik annertuumik nuannarinnittoqartoq KNI-mullu tunniusimaneq atassuteqarnerlu nukittuumik inissisimasut, misissuinermi paasineqarpoq.

Nunatta tamarmi ulluinnarni nioqqutissanik ikummatissamillu pilersorneqarneranut pisiniarfinni, ikummatissaataasivinni, quersuarni allaffinnilu sulisut ullut tamaasa suliaqartarput. Ullut suliffigisartakkavut suliarisartakkavullu tamarmik assigiinngitsuupput, nunatsinnili inunnut sumiiffinnilu inuiaqatigiinnut suliassat pingaarutilerusujussuit suliarisarpavut.

Sulinermik nuannarinninneq suliffimmullu ilumoorfiginninneq qaffasipput

Sulinermik naammagisimaarinninneq & piumassuseqarneq: 81 (nunatsinni agguaqatigiisitsineq: 76)

Tatiginassuseq: 85 (nunatsinni agguaqatigiisitsineq: 82)

Ulluinnarni sulinermi suleqatit nuannersut suleqatigalugit

Suliffiup nuannersuuneranut ulluinnarni suleqatit aalajangeeqataasarput. KNI-mi  Suleqatigiinneq nukittooq ilisarnaatigaarput.

Sulisut ataatsimut isigalugu suleqatigiinneq, sulinermik nuannarinninneq, suliffimmullu ilumoorfiginninneq qaffasissorujussuarmik nalilersimavaat. Taakku pingasut nunatsinni misissuinernut allanut sanilliukkaanni agguaqatigiissitsinermi tamarmik qaffasinnerupput.

Suleqatigiinnerup nukittuujunera KNI-mut pingaaruteqarpoq. Suliarisavut assigiinngikkaluartut nunatsinnilu isorartoorsuarmiikkaluarluta tamatta suliassavut naammassisarpavut, taamaattumik tatigeqatigiinneq, suleqatigiinneq ataatsimoornerlu taakkuupput KNI-p ineriartortikkumasaasa ilaat.

Misissuinermi paasisat tulluusimaarutigaavut, sulisullumi namminneq sulinermikkut qanorlu peqatigiittarnermikkut namminneq pilersitaraat.

Suliassat assigiinngitsorpassuit suliassarli ataasiinnaq

KNI-mi suliassaqarfiit assigiinngitsorpassuupput inuillu assigiinngitsorpassuarnik misilittagaqarlutik. Sulisut ukiuni qulikkaani arlalinni sulisuunikuusut kiisalu sulilerlaat suleqatigiittut naapittarput.

Ilisimasaminnik avitseqatigiinnissamut, imminnut ilikkarnerunissaminnut suliamikkullu ineriartornissaminnut periarfissaqartarput.

Piginnaanngorsaanissaq sulisullu peqataatinneqarnissaat KNI-mi periusissiani, Illerngit Nutaani, pingaarutilerujussuupput. KNI ineriartussappat siunissamilu piumasarineqalerumaartunut piareersassappat suliffeqarfimmi sulisut, ulluinnarni ingerlatsisuusut tamaasa ineriartortittariaqarpavut. KNI iluatsittumik pissappat piginnaanngorsaanissaq sulisullu peqataatinneqarnissaat periusissiami erseqqissarnerpoq.

Taamaattumik sumiluunniit suliffik ikkaluarpat suliffeqarfimmi suliassanut, ulluinnarni nunatsinni malugineqartuartartunut, ataatsimoorunneqartunut akuuffiuvoq.

Suliffeqarfik ataatsimoorluta ineriartortitsivipput

KNI-mi sulilluni qanoq innersoq sulisut ukiut tamaasa aperisarpavut. Sutigut ingerlalluarnerluta, suullu pitsanngorsarneqarsinnaanersut sulisut akissutaasigut paasinarsisarput.

KNI-mi oqaloqatigiinnissamut assigiinngitsutigullu iliuuseqarnissamut misissuinermi paasisat tunngavissiilluartarput. Misissuinermi assigiinngitsutigut nukittuffeqarneq takutinneqaraluartoq aamma KNI-mik ineriartortitsinermut ilaapput sulisut tusaaneqarnerisigut, sunillu pitsanngorsagassanik apuussinerisigut ingerlatsiteqqinnissaq.

“Sulinermik nuannarinnilluarneq suleqatigiillu peqatigiilluartarnerat takusinnaagatsigu nuannaarutigaarput, siunissamilu aamma KNI suliffitsialattut, ineriartornissamut periarfissiilluartutut sunniuteqataaffigineqarsinnaasutullu ineriartorteqqissavarput.”

Sulisoqarnermut immikkoortortaqarfimmut, attaveqaqatigiinnermut piujuartitsinermullu pisortaq Juliane Henningsen Heilmann oqarpoq.

Misissuineq august-september 2026-mi Ennova suleqatigalugu ingerlanneqarpoq.

Gert Nielsen KNI-mi ikummatissaqarnermut ingerlatsivimmi pisortanngussaaq

Atuaruk
Seqinertut aappilatigisoq sermitullu qaqqoritsigisoq

Atuaruk
Aanaakkuni nerisassat ataatsimoornerlu pingaartinneqarput

Atuaruk

Najoqqutassatut atuakkamut aqqut qaninneq

Atuagaq najoqqutassaq angerlarsimaffinni skærminnut toqqoruk qaqugukkulluunniit atoriaannanngorlugu.

1. Toornerit pingasut talerpiani teqeqqumiittut tuukkit

2. ”Føj til startskærm” tooruk

Startskærminnut ilannguguk

Najoqqutassatut atuakkamut aqqut qaninneq

Atuagaq najoqqutassaq angerlarsimaffinni skærminnut toqqoruk qaqugukkulluunniit atoriaannanngorlugu.

1. Skærmivit naqqani tooruk

2. "Føj til hjemmeskærm” tooruk

Angerlarsimaffinni skærminnut ilannguguk