Aanaakkuni nerisassat ataatsimoornerlu pingaartinneqarput

“Aanaakkunni” kalaalimernit nutaaliorluni nerisassiarineqarput – nerinermilu ataatsimoorneq pingaartinneqarpoq.

Qangatut nerisassioriaaseq nutaaliornermik ilallugu

Upernaaq manna Emilie Olsenip igaffinnguani KNI-mi pilerisaarinermik immikkoortortaqarfimmiit immiussisoqarnikuuvoq. Immiussat maannakkut katiterneqarsimalereerlutik katersaasivitsinnut ikkunneqarput. Emiliep nerisassiornermut, kalaaliminernik atuinermut ataatsimoorlunilu nerinissamik pingaartitsinera tunngavigineqarpoq.

Nerisassat Emilie Olsenimut inuussutissaannaat kisimik pineqanngillat.

• Nerisassat kulturitsinnut oqaluttuarisaanitsinnullu ilaasorujussuupput.
• Nereqatigiikkaangatta ataatsimoorfigisarparput.
• Nereriaaserput kinaassutsitsinnik oqaluttuartuuvoq.

Katersaatitsinni nutaatut iserfigineqarsinnaasoq qangatut kalaaliminiliornissamut allanillu nunarsuarmi allaneersunik akoorisinnaanermut isumassarsiorfiusinnaavoq.

Nunaqarfinnguani annertuumik akisussaaffeqarneq

Nutaaliorluta iliuuseqarnitsinni Emilie Olseniunera nalaatsornerinnaanngilaq. Nunaqarfinnguami Itillimi peroriartorsimavoq inersimasunngoreeramilu nunaqarfimminut uternikuuvoq niuertunngorlunilu.

Nunatsinni sumiiffinni amerlasuuni KNI Pilersuisoq innuttaasut pisiniarfigisinnaasaattut pisiniarfituaasarpoq. Nunatta isorartunersua assartuinerlu pissutigalugit killilinnik qiniataagassaqartitsinermi KNI immikkuullarissumik inuiaqatigiinnut akisussaaffeqarpoq. Nioqqutissat pisiarineqarsinnaasut sumiiffinni ilaqutariit peqqinnartunik inuussutissaqarluartunillu nerisassaqartinnissaasa qulakkeerneqarnissaa pineqarpoq.

Emilie Olsenip Itillimi niuertuusimanermigut illumilu ningiuusimanermigut ukiup ingerlanerani nunaqarfinnguani sunik nerisassiortoqarsinnaanera ilisimaarilluarpaa. Ilisimasani mamarisavut.gl-imi atorluarpai.

Nereqatigiinneruna ilaqutariittut nukittorsaataasartoq

Iserfissami nutaami nereqatigiilluni ataatsimoornerup pingaartinneqarnissaa sammineqarpoq. Naqqaniit nerisassiornermi nereqatigiinnermilu piffissaq atorneqartoq ilaqutariinni kinguaariit ataatsimoornissaannut nukittorsaataasarpoq.

Kulturi taamaaginnarneq ajorpoq, tamannalu Emiliep nerisassioriaasiani takuneqarsinnaavoq. Qangatut nerisassiaasartut atorlugit nutaaliornissamut kajumissaarivoq.

Aanaakkunni mamarisavut.gl-imiittoq alakkaruk ilaqqutariittullu nereqatigeeqqinnissassinnut isumassarsiorfigalugu.