Periusissiatsinni nutaami KNI-p niuernermi ingerlataani ajornartorsiutit sunniuteqarnerpaajusussat suliffeqarfimmillu ineriartortitsitseqqinnissaq immikkut sammivavut. KNI nukittorsassavarput, taamalu ililluni suliffeqarfiup inuiaqatigiinni sumiiffinni tamani pingaarnertut suliassami suliarinissaanut sakkussaqarluarsinnaalersillugu. Periusissiornermi suliassat KNI-mi ingerlatat tamarmik aningaasarissaarnerunissaannut iluaqutaassapput – nioqquteqarnermik ingerlatsivik immikkut samminerullugu – taamatullu suliaqarnermi illuutinik iluarsartuussinissamut kinguaattoorutit angummaffiginiarneqassapput suliffeqarfiullu illuutaanik ikilisaasoqarluni. Sunniuteqarluarnerusumik ingerlatsinissaq niuernermillu ingerlatanik nutaanik ingerlatsiniarneq pisariaqarpoq aammali niuernermik ingerlatanik ineriartortitsissagaanni IT-qarnermi atugassanik aamma nutarsaasoqartariaqarluni. Suliat tamakku saniatigut sulisut suliaminnik suli nuannarinninnerulernissaat sulisussallu eqqortut sulilersinnaanissaat sulisooreersullu suliinnarnissaat anguniarlugu suliniutit assigiinngitsut suliniutigineqassapput.
Inuiaqatigiinni allanngoriartortoqarpoq, taamaattumillu KNI-mi aaqqissuussisimanerput suleriaaserisartakkavullu aamma sunnerneqarlutik, allanngoriartortoqarnerali aamma nutaanik periarfissiivoq. Aaqqissuussineq eqqarsaatigalugu siunissamut ungasinnerusumut isigisumik KNI aaqqiissuteqartassaaq aammali inuiaqatigiinni allanngoriartortoqarnerani periarfissat nutaat takkussuuttut atorluarnerunissaannut tappinnerusariaqarluni.
Ukiorpassuit ingerlanerini KNI-mi ineriartortissimasavut pitsaasut attatiinnassavavut aammalu ajornartorsiutit nalaakkumaakkavut angusaqarluarfiusussamik siunnerfeqarluta aaqqiisarumaarluta. Tamanna aamma isumaqarpoq suliffeqarfimmik uummaarinnerusumik allannguinissamik kiisalu qanoq suleriaaseqarnitsinnik eqqarsaatiginneqqinnissaminut sapiutinngitsumik pilersitsissasugut.

Jeppe Jensen
Pisortaaneq