Nalliuttorsiornermi eqquiniaaneq

Ukiut 250-it eqqugassarpassuarnik nalliussiniarpagut

Ukioq manna nuna tamakkerlugu KNI 250-iliilluni nalliuttorsiussaaq. Sumiiffinnili Pilersuisoqarfiusuni tamani nalliussineq immikkut iliuuseqarfigerusupparput. Taamaattumik ilissi atuakkamik nalliuttorsiummik pisimasusi tamassi nalliuttorsiorluni eqquiniaanersuarmut ilaasinnaavusi.

1 præmie

Pilersuisumut/Polaroilimut pisiniutissaq ataaseq. Nalinga 25.000 kr.

2 præmie

Inunnut sisamanut aallaarsimaarutissat. Nalingat 11.500 kr.

3 præmie

Meqqusaalik qaavatigut iluatigullu oqorsaatit Nalingat 6.000 kr.

4 præmie

Pilersuisumut/Polaroilimut pisiniutissaq ataaseq. Nalinga 2.024 kr.

5 præmie

Pilersuisumut/Polaroilimut pisiniutissaq ataaseq. Nalinga 1.774 kr.

Imaaliorlutit peqataassaatit

Apeqqutit tallimat KNI-p oqaluttuarisaaneranut tunngasut eqqortumik akikkit eqqugassanillu kusanartunik makitsinermi peqataallutit. Imaassinnaavoq illit iluatsitsillutit Pilersuisumi/Polaroilimi pisissutissamik 25.000 kr.-inik nalilimmik eqquisutit. Nalliuttorsiornermi neqerooruteqarnermut atatillugu unammisitsinermi piumasaqaatit.

Nalliuttorsiornermi neqereroorutit 16. maajimiit 31. maaji 2024 ilanngullugu atuupput.

Unammisitsinermi Pilersuisumi pisiniartartut 18-ileereersimasut peqataasinnaapput. Inoqutigiit ataatsimut ataasiaannarlutik peqataasinnaapput. Unammeqataassagaanni apeqqutit eqqortumik akineqassapput.

Apeqqutinik tallimanik tamanik eqqortumik akisut makitsinissamut peqataaffigissavaat:

Pilersuisumut/Polaroilimut pisiniutissaq ataaseq. Nalinga 25.000 kr.
Inunnut sisamanut aallaarsimaarutissat. Nalingat 11.500 kr.
Eqqugassap tullia tassaavoq: Amaroq tupeq inunnut sisamanoortoq, sinngup-puui sisamat innangallunilu allequttat sisamat. Zibro kiassat petroleutortoq, nillujuitsoq Stanley 1 l nakkartitsivillu.
Meqqusaalik qaavatigut iluatigullu oqorsaatit Nalingat 6.000 kr.
Eqqugassat pingajuat tassaavoq: Ivik iluatigut atisat savat meqquinik sanaat, piniariarnermi qarliit kajortut, Ulannaq ikeratigut oqorsaat savap meqquinik sanaaq kajortoq/tungujortoq taartoq, Qaavigaq aaqqatit, Qungasequteeraq merino buff qernertoq, Beanie-nasaq, Aputsiaq annoraaq qarlipaallu tungujortut taartut / qasersut. Qanoq angitiginissaat eqquisup nammineq aalajangissavaa. Angissutsilli nungussimaratarsinnaanerat sillimaffigineqassaaq.
Pilersuisumut/Polaroilimut pisiniutissaq ataaseq. Nalinga 2.024 kr.
Pilersuisumut/Polaroilimut pisiniutissaq ataaseq. Nalinga 1.774 kr.

Eqqortumik akisimasut akornanni eqquisut makinneqassapput ulloq 3. juni makitaasullu kingusinnerpaamik marlunngornermi ull. 4. juni 2024 attavigineqassapput. Eqqugassat qulaani nassuiarneqartut malillugit eqquisut makinneqartassapput.
Pisiniutissat eqqorneqartut pisiniarfinniit eqquisunut tunniunneqassapput, eqqukkallu aningaasanngortinneqarsinnaanngillat. Pisiniutissat sumiiffimmi eqqorneqartut taamaallaat sumiiffimmi pisiniarfimmi pisiniutigineqarsinnaapput, eqqukkallu annertussusaasa nungunnissaasa tungaanut atuutissapput. Pisiniutissat viinninut, imigassanut aalakoornartortalinnut, cigaretsinut, eqquiniutinut, nakorsaatinut kioskimiluunniit nioqqutinut allanut pisiniutigineqarsinnaanngillat.

Eqqukkat kingusinnerpaamik aaneqasssapput 31. juli.

KNI-mi sulisut ilaqutaalu unammisitsinermut peqataasinnaanngillat.

1774

Danskit naalagaaffiata niueqatigiiffimmit Handelskompagniet-miit
1750-imi aallarnerneqarsimasumit
piginneqataassutsit tamaasa pigilerpai taamaalillutillu kunngip
peqqussutaani 1774-imi maajip
16-ianeersumi Kongelige Grønlandsk Handel – KGH pilersinneqarpoq. Ukiut marluk qaangiummata 1776-imi kunngi peqquseqqippoq ”pisinnaatitaanani
niuerneq” inerteqqutigilerlugu,
KGH-llu kisimi Kalaallit Nunaanni
niuerneq ingerlatilerpaa

1776

Sorsunnersuaq kingulleq tikillugu KGH-p Kalaallit Nunaanni niuerneq kisermaallugu ingerlappaa. Assigiimmik akit nuna tamakkerlugu atulersinneqarput piniartut tunisaannik pisinermi imaluunniit ulluinnarni pisariaqartitanik pisiniarfimmi pisigaluaraanni, KGH-lu inoqarfinnik tamanik pilersuinissaminik
pisussaatitaalerpoq. Pisanik
pisiortorneq sunniuteqarnerulersinniarlugu KGH tunitsiveqarfinnik nuna tamakkerlugu pilersitsiortorpoq – taakkuuppullu ullumikkut illoqarfiit nunaqarfiillu amerlasuut pileqqaataat. Kisermaassinerup assigiimmik akeqartitsinerata inuiaqatigiit aningaasarsiornikkut toqqissisimatippai niuernerlu aamma matoqqassuutillugu
eqartuutillugulu, nammineq niuerniaraluit taamalu aningaasarsiornikkut siuariartorsinnaaneq killilersortaramigit.

1800

1800-kkut ingerlaneranni KGH 13-inik niuerfeqalerpoq asimioqarfiit ikinngitsut KGH-mik mikisunnguanik pisiniarfeqalerlutik. Kalaallit Nunaata nunasiaanerata pileqqaarnerani kalaallit tunisassiaat qallunaallu
nioqqutaat paarlaasseqatigiinnikkut pisiarineqartarput. 1801-imiit 1967-ip tungaanut KGH-p Kalaallit Nunaanni aningaasaqarneq kalaallit aningaasaat pisiniarfinni atorneqarsinnaasut atorlugit
ingerlappaa.

1920

1920-p kingorna kalaallit aalisartui amerliartuinnartunik
motoorilinnik aalisariutitaartulerput KGH-lu illoqarfinni aalisakkerivinnik
pilersitsivoq. Ukiut qulikkaat arlaqanngitsut ingerlanerini qaannamit puisinniarneq aalisarnerup kalaallit ilaqutariivini aningaa-sarsiorfittut taarserpaat.

1940

Danmarkip tigusaanerata kingunerisaanik Kalaallit Nunaat pilersorneeruppoq KGH Danmarkimiit pilersorneerummat. Taarsiullugu USA niueqatigineqalerpoq orsugissap aalisakkallu akilersugaannik. Ukiuni
tallimani kalaallit arlalissuit Danmarkip avataanik niueqateqarnermik misilittagaqalerput. Innuttaasut nioqqutissanik nutaanik pisisinnaalerput – sorsunnerullu
kingorna nioqqutissanik nutaanik
piumasaqarneq namminersortullu suliniutaat siaruariartuinnarput.

1948

KGH Aasianni siullerpaamik ikummatissanut
ikummatissaasiviliorpoq.
1949-milu Qaqortoq, Nuuk Sisimiullu malinnaapput. 1950-imi Paamiut, Qeqertarsuaq, Upernavik Thuletoqarlu
(Uummannaq) ikummatissaasivittaarput.
Aamma 1950-imi DGO,
Det Grønlandske Olieaktieselskab, maannakkut Polaroil KGH-p ataani
pilersinneqarpoq Kangerluarsorutsimi
ikummatissanik avataaniit eqqussukkanik toqqorsiveqalerluni. Polaroil
Namminersorlutillu Oqartussat
isumaqatigiissusiorput ikummatissanik imerpalasunik pilersuisussaatitaanermik
imalimmik.

1950

Naalagaaffiup kisermaassisuunera atorunnaarsinneqarpoq.
Tamatuma kingorna
KGH Kalaallit Nunaannut Ministereqarfimmut atanngitsumik ingerlanneqalerpoq. Aamma ukioq taanna Polaroil KGH-p
ilagilerpaa. Ukiullu ingerlanerini suliffeqarfiit allat pilersinneqarput, taakkununnga
ilaallutik Air Greenland, Royal Greenland, Tusass aamma Royal Arctic Line.

1951

KGH-p Kalaallit Nunaanni niuerneq kisermaakkallarmagu annertuukkaarlugit niuerneq ullumikkutut nalunngisarput
tunngavissaqarsimanngilaq. Kisermaassinerulli 1951-imi atorunnaarsinneratigut
amerlanaarlugit niuersinnaaneq annikikkaluamik pisinnaalerpoq, siornatigut kisermaassilluni
nioqqutigineqarsimasut soorlu
cigaretsit, imigassat kimittuut, immiaaqqat assigisaallu pisiarineqarsinnaalermata.
Ullumikkut KNI Engros nioqqutissanik suugaluartunilluunniit tuniniaavoq nunalu tamakkerlugu immiaaqqanik imeruersaatinillu kulsyrelinnik tuniniaaneq isumaqatigiissuteqarfigalugu.

1960

KGH-p pisiniarfik nammineq tigooraavik siulleq Nuummi ammarpaa, kingorna SB-mik naalisarneqartalersoq. Nutaajuvoq pissanganarlunilu ingerlaannarlu nuannarineqalerluni.

1967

Ukiut 150-it sinnerlugit kalaallit
aningaasaat pioreersut KGH-p
atorunnaarsippai. Juulip aallaqqaataaniit danskit aningaasaat atorneqalerput. Danskit aningaaserivii kattullutik Kalaallit Nunaanni immikkoortoqarfiliorput.

1973

Ukiut 200-it missaanni Københavnimi Nordatlantens Bryggemeereerluni kalaallit umiarsualiviat Aalborgimi umiarsualivimmut nutaamut
nuunneqarpoq. Nassiussuinerlu
ajornaallisarniarlugu umiarsuit nutaat unit-loadit pisiarineqarput 60-inillu umiarsualerisunik atorfinitsitsisoqarluni. 2022-mi kalaallit umiarsualiviat Aarhusimut nuuppoq.

1979

70,1 %-imik amerlanerussuteqarluni
Namminersornerulluni Oqartussaaneq maajip aallaqqaataani atulersinneqarpoq.

1985

KGH-p aalisakkanik tunisassiornera immikkoortinneqarpoq Royal Greenlandilu suliffeqarfittut namminersortutut Namminersornerullutik
Oqartussanit pigineqartoq
pilersinneqarluni.

1986

KGH Namminersornerullutik Oqartussanit tiguneqarpoq taaguuserlugu Kalaallit Niuerfiat, KNI.

1993

KNI aktieselskabinut arlalinnut
nammineersunut agguarneqarpoq, assersuutigalugu Royal Arctic Line, pisiniarfinnullu Pisiffimmut Pilersuisumullu. 1997-imi Namminersornerullutik Oqartussat aalajangerput
nassiussanik inunnillu assartuineq allakkeriveqarnerlu ingerlatseqatigiiffinnut allanut nuunneqassasut. 2001-imi Pisiffik namminersortunit
tiguneqarpoq KNI-llu Pisiffiup
pisiniarfiutai Nanortalimmi, Narsami, Paamiuni Qasigiannguanilu tiguai.
Tamatuma saniatigut akitsuuteqanngitsunik Kangerlussuarmi pisiniarfik
KNI-p ingerlappaa.

2002

Pilersuisup akitsuuteqanngitsunik pisiniarfiit nunanut allanut timmisartunut mittarfinniittut Kangerlussuarmi Narsarsuarmilu tiguai.

2005

Januaarip aallaqqaataat aallarnerfigalugu KNI-ip Narsami toqoraaviup ingerlannera ingerlatilerpaa. Taamaasilluni Neqi A/S KNI-p ataani piginneqatigiiffittut pilersinneqarluni.

2010

KNI-p Polaroilip allaffeqarfii Sisimiuni qullersaqarfimminut nuuppai. Nuussinerup siunertarai siulersuisut, allaffissornerup teknikkullu piginnaasat illoqarfimmi ataatsimi katersornissaat.

2012

Pisisa.gl maajip aallaqqaataani pilersinneqarpoq. Siunertaavoq pisisartut inoqarfinni minnerusuniittut periarfississallugit nioqqutissanik amerlanerusunik
assigiinngisitaarnerusunillu
pisinissaannut, aammalu pisiniarfiit toqqorsivii annerulersikkumallugit.
Pisisa.gl-imi soorlu pisiarineqarsinnaapput pequtit igaffimmilu atortut sumiiffimmi pisiniarfiup piginngisai.

2016

Meqqusaalik – KNI-p nammineq
atisanut aterititaa pilersinneqarpoq. Uummannami niuertoq Elisa Petersen siunnersuuteqarpoq Pilersuisoq
nammineq qaatiguunik Kalaallit
Nunaanni pinngortitamut naleqquttunik atisaliortalissasoq. Tamanna Meqqusaallip aallaqqaatigaa, tamannalu
Sisimiuni KNI-p sullissivianiit
maannakkut ineriartortinneqarpoq.

2017

Mamarisavut pilersinneqarpoq ulluinnarni peqqinnarnerusumik igasalernissamik isumasiorffittut. Ukioq kaajallallugu nerisassat pisinnaasavut aallaaviupput.
Ilitsersuutit Pilersuisup pisiassaataanit inuilllu namminneq pisarisinnaasaannik akuugaapput.

2018

Pilersuisoq ersarinnerulersikkusullugu
kalaalerpalunnerulersikkusullugulu nutaamik pisiniarfimmik ilusiliisoqarpoq. Tamannalu pisisartunit ilassilluarneqarsimavoq 2020-milu Pilersuisoq nunat tamat akornanni marlunnik nersornaatisivoq: Red Dot aamma Moebius Award.

2019

Pilersuisup nammineq atortussanik tunisassiai ataatsimut katillugit ateqarput
KNI Design, angerlarsimaffinnullu
atortussiaallutik, kalaallit kulturiannik oqaluttuarisaanerannillu tunngavillit. KNI Design Sisimiuni kiffartuussivimmiippoq.

2024

KNI 250-iliilluni nalliuttorsiorpoq
nukissiuutinik ulluinnarnilu pisiassanik pilersuisutut. Nunasiaqarnermi kisermaassisutut Kalaallit Nunaanni niuernermi KGH-llu tunitsivinnik pilersitsiortornerani maannakkumut nunassitsiternernut ilusileeqataasimavoq,
maannalu Namminersorlutik
Oqartussanik pigineqartutut pilersuinermik ingerlatsivittut ulluinnarnik qulakkeerivittut imminut pilersornerunermut
piujuaannartitsisutut Kalaallit
Nunaanni sulliviuvoq.

Maani nalliuttorsiorluni eqquiniaanermut peqataasinnaavutit

Apeqqutit tallimat KNI-p oqaluttuarisaaneranut tunngasut eqqortumik akikkit. Akissutit eqqortut qanga pisarsimasut atuarlugit nassaarisinnaavatit. Siullermik eqqortumik akisimanngikkuit aappassaaneerlutit misiliisinnaavutit. Iluatsitsilluarna.

1/5