KNI A/S takorluugaqarsinnaalluartumik anguniagaqarluartartumillu ikummatissaqarnermut ingerlatsivimmut Polaroilimut pisortassarsiorpoq.

Atorfik

Ikummatissaqarnermut ingerlatsiviup suliassaraa silap qanoq innera, nunattalu isorartunera apeqqutaatinnagu nunatsinnut tamarmut qularnaatsumik, aalajaatsumik tutsuiginartumillu ikummatissamik pilersuinissaq. Nunatsinni innuttaasut suliffe-qarfiillu ulluinnarni pisariaqartitaannik ingerlatsinissaminnullu atugassaannik ikummatissaqarnermut ingerlatsiviup nioqqu-teqarnermigut kiffartuussinermigullu qularnaartarpaa.

Akisussaaffeqarfiit suliassallu

Ikummatissaqarnermut pisortatut KNI A/S-imi pisortaaneq qaninnertut pisortarissavat, ikummatissaqarnermik ingerlatsi-viup ulluinnarni aqunneqarnera akisussaaffigissallugu suliffeqarfissuullu aqutsisuinut ilaallutit.

Suliassat ilaatigut makkuupput:

• Periusissiornermi aqutsineq: Ikummatissaqarnermut ingerlatsiviup pingaarnertut periusissiaanik atuutsitsilernissamut ineriartortitsinissamullu aqutsineq, tamatumanilu suliffeqarfiup anguniagaanut naapertuuttumik ingerlanneqarnissaa qulakkeerlugu.
• Ulluinnarni aqutsineq: Ikummatissaqarnermut ingerlatsiviup ulluinnarni ingerlanneqarneranik nakkutiginninneq kiisalu suliffeqarfiup aqutsisui ataqatigiissaareqatiginerisigut ersarissumik attaveqarnikkut sunniuteqarluartumik aqutsinissaq qulakkeerlugu.
• Malitassanik eqquutsitsineq aqutsinerlu: Iliuutsit tamarmik inatsisinik suliffeqarfiullu ileqqoreqqusaanik kiisalu pisortaa-nerup siulersuisullu najoqqutassatut aalajangigaannik eqquutsitsinissaq qulakkeerlugu.
• Suleqatigiinneq:  KNI-p aaqqissuussineranik tamanik suleqateqarnerup nukittorsarnissaanut siunnerfeqarluartumik anguniagaqarneq kiisalu KNI A/S-imi pisortaqatigiinnut akuulluni suleqataaneq.

Ikummatissaqarnermut ingerlatsiviup aqutsisuinut aqutsinissaq akisussaaffigissavat, tamatumani pineqartunut ilaapput teknikkimut pisortaq, assartuinermut pisortaq, allaffissornermi aqutsisoq kiisalu ingerlatsinermi pisortaq.

Ikummatissaqarnermut ingerlatsivik 80-it missaanniittunik sulisoqarpoq ukiumullu 1,4 mia. DKK-t missaaniittunik kaaviiaartitaqarluni.

Qitiutinneqartut

Ikummatissamik pilersuinermik isumannaallisaaneq

Ikummatissaqarnermut ingerlatsiviup suliai nunatsinni inuiaqatigiinnut, issittumi pinngortitamut ingerlatsiviullu sulisuinut pingaaruteqarluinnartuupput. Ikummatissaqarnermut ingerlatsiviup isumannaallisaanermi qaffasinnerpaamik aaqqissuus-sinerit malissagai suleriutsinillu pitsanngorsaajuarnermik suliaqartuaannarnissaa pingaaruteqarpoq.

Pilersuinerup aalajaatsumik ingerlanneqarnissaa

Ikummatissamik pilersuinerup aalajaatsuunissaanik qulakkeerinninneq ikummatissaqarnermut ingerlatsiviup pingaarner-tut suliassaraa. Taamatut suliaqarnissami peqqissaartumik pilersaarusiornissaq pilersuinermillu allanngoranngitsumik inger-latsinissaq nakkutilliiuarnissarlu pisariaqarput.

Teknologimik nutarsaaneq

Ikummatissaqarnermik ingerlatsiviup ikummatissamik pitsaanerpaamik piujuartitsisumillu pilersuinissaata qulakkeernissaa-nut ikummatissaqarnermik ingerlatsiviup teknologimik aaqqissuussinerata nutarsartuarnissaa pisariaqarpoq.

Iluatsittumik ingerlatsinissamut pingaaruteqavissut

Piffissami aggersumi ikummatissaqarnermut ingerlatsivik periusissiornermi pingaarutilinnik naleqqussagassaqarpoq, ta-mannalu ilutigalugu inuussutissarsiornerup iluani inuiaqatigiinnilu aqqusersuinerup ineriartortinneqarnera ilutigalugu pisa-riaqartinneqartut allanngoriartornerat qanimut malinnaavigisariaqarpoq.

Inuussutissarsiornerup iluani pisariaqartitat allanngoriartornerinut naleqqussarneq

Inuussutissarsiornerup iluani pisariaqartitat ikummatissaqarnermik ingerlatsiviup qanimut malinnaavigissavaa, tamatumani takornariaqarneq aalisarnerlu ineriartorfiusoq ilanngullugit malinnaavigissallugit.

Ingerlatat taakku ineriartuinnarnissaannut ikummatissamik pilersuinissaq pingaaruteqarluinnarpoq, ingerlatallu taakku ingerlalluarnissaminnut piumasaqaataasa eqquutsinnissaannut inuussutissarsiornerup iluani pilersuinermi aaqqissuussi-nerup eqquutsitsinissaa ikummatissaqarnermut ingerlatsiviup pisortaata qulakkeeqataaffigissavaa.

Timmisartunut mittarfittaartornissamut nutaamik aaqqissuussinermut naleqqussaaneq

Nunatsinni mittarfiit nutaamik aaqqissuussivigineqarnerat ikummatissaqarnermik ingerlatsiviup suliaanut toqqaannartumik sunniuteqarpoq, tamatumani timmisartuussinerup iluani ikummatissamik pilersuineq ilanngullugu – taamaattumik soqutigi-saqartut oqaloqatiginerini ikummatissaqarnermik pisortaq siuttutut inissisimassaaq.

Aaqqissuussaanermik ineriartortitsineq siunissamullu qularnaarinninneq

Siunissami ikummatissamik aalajaatsumik qularnaatsumillu ikummatissaqarnermik ingerlatsiviup pilersuinissaata qulak-keernissaanut ingerlatsivimmi aaqqissuussinerup ineriartorteqqinnissaanut ikummatissaqarnermik ingerlatsivimmi pisor-tanngortussap suliassaasa ilagilluinnassavaat.

• Siunissami ajornartorsiutinngorsinnaasut aaqqiiviginissaannut pikkoriffigineqartussat pigineqarnissaannut qulakkeerin-ninnissamut   ikummatissaqarnermik ingerlatsiviup pisortaata sulisut aqutsinermik suliaqartut suleqatigalugit pigin-naanngorsaanissaq ingerlatissavaa.
• Ikummatissaqarnermik ingerlatsiviup qaffasissumik ingerlatsiinnarnissaanut nutaaliortuarnissaanullu aqutsisut sulisullu pingaarutilimmik inissisimasut akornanni nikikkiartuaartoqarnissaanut pilersaarusiorneq ingerlanneqassaaq.

Qanoq ittuunerit

Ingerlatsivimmi pisortanngortussaq naleqquttoq attaveqaqateqallaqqissuuvoq kiisalu ingerlatsinermi angusaqarnermilu aqutsisutut misilittagaqarluarluni. Qinnuteqarnissannut suliap iluani misilittagaqarnerit soorunami iluaqutaassaaq.

Ikummatissaqarnermut ingerlatsiviup niuernermik ingerlataanut nalinginnaasumillu aqutsinermik naleqquttumik ilinnia-gaqarsimanissat naatsorsuutigaarput.

Tamatuma saniatigut aningaasaqarnerup iluani naleqquttunik misilittagaqarnissat piginnaasaqarnissallu niuernerpalaar-tumillu ingerlatsinermut paasisimasaqarnissat kissaatigaarput.

Periusissiorluni sulinermik periusissianillu atuutsitsilernermik sungiussisimasuuvutit kiisalu KNI-p ataatsimoorussamik periusissiaanut piginneqataanissat kiisalu ikummatissaqarnermik ingerlatsivimmi sulinermi periusissiaq tunngavigissagit naatsorsuutigaarput.

Ikummatissaqarnermik ingerlatsiviup anguniagarpassuinut ingerlatsinermut tunngatillugu atuutsitsilertussaagavit naleq-qussaasussaagavillu aaqqissuussaanermik ineriartortitsinermik misilittagaqarputit. Taamaattumik immikkoortortaqarfiit tamaasa suleqatigisinnaasariaqarpatit.

Oqaatsit sulinermi atorneqartut tamaasa ajornaquteqanngitsumik atorsinnaavatit. Pitsaasumik attaveqaqateqarsinnaa-nermik piginnaaneqarluarnivit saniatigut suliffiup iluani avataanilu attaveqaqateqarnermik misilittagaqarputit.

Ikummatissaqarnermik ingerlatsivik nunatsinni sumiiffinni tamani ippoq. Tamannarpiarlu pillugu nunatsinni tamarmi inu-iaqatigiit aaqqissuussaanerat, kulturerput inooriaaserpullu ilisimasaqarfigilluarukkit iluaqutaassaqaaq. Tamatumunnga atatillugu suleqatit nunatsinni sumiiffinni assigiinngitsuniittut aqutsisuuffiginissaat qanimullu suleqatiginissaat misilitta-gaqarfigissavat.

Aqutsisutut ersarissunik pingaartitaqartuuvutit aqutsisuuninnimi maligassiuisuullutit pissusilersuutinnilu tamani suliffe-qarfiup naleqartitaanik saqqumisartussaavutit.

Inoqasersorluarsinnaanivit saniatigut attuumassuteqarfigisassannik attaveqarnissamik attuumassuteqarfiginniinnarnis-samillu pikkoriffeqarputit. Tusarnaartarputit, peqataatitsisuullutit kiisalu ikummatissaqarnermut ingerlatsiviup ataatsimut aqutsisuinut aaqqissuussaanermilu kajumissaarisuussallutit.

Matuma siuliani taaneqartut saniatigut makku ilinnut ilisarnarput:

• Anguniagaqarluarniartoq
• Nutaanik pilersitsisinnaassuseqarneq peqqissaartuunerlu
• Tulleriiaarluakkamik sulineq eqquilluarnerlu
• Isumassarsiullaqqissoq isummersortitsinartumillu attaveqartartoq
• Aallarnissaallaqqissoq unammillerumassuseqartorlu.

Sulisussarsiornerup ingerlanissaa

KNI A/S-ip sulisussarsiornera tamaat Thomsen Consulting-ip ingerlatissavaa.

Ikummatissaqarnermut ingerlatsiviup pisortassaa piaartumik KNI A/S-ip isumaqatigiissuteqarfigalugu sulilernissaa kissaa-tigaa, taamaattumik qinnuteqartut piukkunnartut oqaloqatigineqarnerat Thomsen Consulting-ip ingerlattassavaa.

Atorfimmut qinnuteqaatit, CV-t pappiaqqallu allat pisariallit Thomsen Consulting-ip atorfinnut qinnuteqaatinut atortagaa-tigut nassiutissavatit. Paasissutissat ilinnut tunngasut sapinngisamik illersorniarlugit qinnuteqaatit e-mailikkut tiguneq ajor-pavut.

Sulisussarsiornermut tunngatillugu apeqqutit nalinginnaasut Niels Thomsen-imut oqarasuaammut angallattakkamut +299 586636 / +45 5432 8408-mut saaffiginnissutigineqassapput mailerutigalugilluunniit uunga niels@thomsen.gl.

Atorfik pillugu allanik apeqqutissaqaruit pisortaaneq Jeppe Jensen attavigisinnaavat oqarasuaammut uunga +299 862444 imaluunniit jxj@kni.gl

KNI A/S-ip neqeroorutigai

KNI A/S-ip atorfik pissanganartoq sorpassuartigullu siuariartornermini ersarissumik periusissiorluni siumukarnermini ajor-nartorsiutinik anigorniagassalimmi atorfeqarnissaq neqeroorutigaa. KNI A/S-ip neqeroorutigaattaaq akissarsiat orniginar-tut immikkut isumaqatigiissuteqarnikkut akissarsiaqarfiusussaq nammineq inuttut sulisutullu ineriartorfissarpassualik.

Atorfik Sisimiuniippoq, tamaanimi KNI A/S-ip kiffartuussivia ippoq. Atorfinittussamut KNI A/S inissaqartitsisinnaavoq ineqarnermut akiliutit, qularnaveeqqusiinerit atuinerillu malittarisassat sukkulluunniit atuuttut naapertorlugit akilerneqar-tartussaallutik. Atorfinittussaq Sisimiunut nooqqaassappat atorfinittussap sulilernissaanut suliunnaarnissaanullu pisataasa nassiunneqarnissaannut KNI A/S akiliissaaq.

KNI A/S-imi atorfinissagaanni pinerluuteqarsimannginnermut uppernarsaammik takutitseqqaarnissaq pingaaruteqarpoq.

KNI A/S

Kalaallit Nunaanni inuiaqatigiinni sukkasoorujussuarmik ineriartortoqarpoq. KNI aamma ineriartorfiuvoq, tassanimi inuu-niarnermi pinngitsoorneqarsinnaanngitsunik pilersuineq aqqutigalugu nuna isorartoorujussuaq ataatsimoortinneqarpoq.

Qitiusumik kiffartuussivik Sisimiuniippoq, Kalaallit Nunaanni illoqarfiit annersaasa tulliani, Qaasuitsup Killeqarfianut kiisalu Kangerlussuarmut timmisartunut mittarfimmut avammut avataaniillu attaveqaatit eqiteruffiannut qanittumi. Kalaallillu Nu-naat tamakkerlugu 900-t eqqaasiorlugit amerlassusilinnik sulisoqarpugut, ukiumullu 2,5 mia. kr.-it pallillugit kaaviiaartittar-lutigit.

Suliffeqarfissuatsinnut  tunngatillugu paasisaqassagaanni aamma Kalaallit Nunaata oqaluttuarisaanera nutaajunerusoq, inuiaqatigiinni aaqqissuussaaneq ineriartornermullu tunngatillugu paasisaqarfiussaaq. Akisussaaffinnut suliassanullu pissangaartunut tikilluarit. KNI-mut tikilluarit.

KNI A/S pillugu paasissutissanik allanik uani atuarsinnaavutit www.kni.gl aamma www.polaroil.gl