KNI A/S Sisimiuni inertortitsivimmi siunnersortimik pissarsiorpoq ulloq 1. januar 2025 aallarnerfigalugu imaluunniit isuma-qatigiissuteqarnikkut sulilersussamik.
Ineriartortitsinermut siunnersortip piujuartitsinissamut ineriartortitsinermullu aqutsisoq qaninnertut pisortarissavaa, sule-qatigiinnullu pingasuusunut ilaassalluni.
Ineriartortitsivimmi immikkoortortap ataavartumik KNI A/S-imi ineriartortitsinermut suliniutit suliarisarpai, kiisalu ilinniar-tuuteqarnissaq inunnullu anguniagaqarluarumasunut pikkorissunullu suliffiorusulluni.
Ineriartortitsivimmi suliniutit suliffeqarfiup pisariaqartitaanut angusaqarnissaanullu imminnut ataqatigiilluartumik ingerlan-neqarnissaat ineriartortitsiviup qulakkiigassaraa.
Ineriartortitsivimmi siunnersortitut pingaarnertut suliassatit ilaatigut makkuussapput:
- KNI-p periusissiaanik atuutsitsineq
- Ineriartortitsivimmi suliniutinut suleqataaneq
- Ineriartortitsinermut suliniutinik nutaanik pilersaarusiorneq, aallarnisaaneq ataqatigiissaarinerlu
- Ilinniartunut tunngasunik suliaqarneq
- Nittartakkakkut sulisunut ilitsersuusiortarfitsinni KNI Academy-mi suliaqarneq ilinniusiornerlu
Ineriartortitsivimmi siunnersortitut atorfinittussap makkua piginnaaneqarfigissagai piumasaqaatigaarput:
- Ilinniagartuutut assingusumilluuniit ilinniarsimanissaq, ineriartortitsinermilluunniit suliaqarnermik misilittagaqarnissaq
- Periuusissianik suliaqarsinnaanermik misilittagaqarneq
- Tamatigoortoq, akisussaassusilik, qiimasoq suleqateqarsinnaasorlu
- Tamakkiisumik isiginnissinnaaneq immikkoortortaqarfinnillu suleqateqarsinnaaneq
- Ataqatigiillualersitsisinnaaneq attaveqarfigisartagaqalersitsinerlu
- Namminersorluni sulisinnaaneq, nutaanillu isumassarsiorsinnaasoq
- Sassarnissamut nakimaatsoq
Atorfinittussamut neqeroorutigaavut:
- Piginnaasat naapertorlugit isumaqatigiissuteqarnikkut akissaateqartitaaneq
- Atorfinitsinneqartumut Sisimiut avataaneersumut inissaqartitsisoqarsinnaavoq, tassungalu qularnaveeqqut, ineqarner-mut akiliut, atuineq il. il. inatsisit malillugit akilerneqartassapput.
Atorfik pillugu paasisaqarnerorusukkuit piujuartitsinissamut ineriartortitsinermullu aqutsisoq Paneeraq Olsen attavigine-qarsinnaavoq oqarasuaatikkut: 86 24 72, imaluunniit mail-ikkut: ypo@kni.gl
Qinnuteqaat
Qinnuteqaat sukumiiisumik tunngavilersugaq pineqaatissiisarneq pillugu allagartaq, ilinniarsimanermut siusinnerusukkullu sulisimanermut allattukkanik imalik (CV), oqaaseqaatit aammalu sulisitsisorisimasappit attaveqarfiginissaanut paasissutis-saq, tigoreersimassavarput kingusinnerpaamik ulloq 22. november 2024.
Qinnuteqaat uunga nassiunneqassaaq:
KNI A/S
Sulisoqarnermut immikkoortortaqarfik
Postboks 319
3911 Sisimiut
E-mail: jobs@kni.gl
Kalaallit Nunaanni inuiaqatigiinni sukkasoorujussuarmik ineriartorneqarpoq, aammalumi KNI-mi taamaappoq. Tassanimi inuuniarnermi pinngitsoorneqarsinnaanngitsunik pilersuineq aqqutigalugu nuna siammasis-sorujussuaq ataatsimoortin-neqarpoq.
Kiffartuussivik Sisimiuniippoq, Kalaallit Nunaanni illoqarfiit annersaata tulliani, Qaasuitsup Killeqarfianut qa-nittumi kiisalu Kangerlussuarmut timmisartunut mittarfimmut avammut avataaniillu attaveqaatit eqiteruffiannut inissisimasumi. Kalaallillu Nunaat tamakkerlugu 900-it eqqaasiorlugit amerlassusilinnik sulisoqarpugut, ukiumullu 2,5 mia. kr.-it pallillugit kaaviiaartit-tarlutigit.
Suliffeqarfissuarmik paasisimanninneq aamma tassaavoq Kalaallit Nunaata oqaluttuassartaanik, inuiaqatigiit aaqqissuus-saanerannik ineriartornerannillu paasisimasaqarneq. Silarsuarmut akisussaaffilimmut unammilligassanillu qaangerniagas-salimmut tikilluarit. KNI-p silarsuaanut tikilluarit.
