Peqqinnartunik nerisaqarneq pisariitsuussaaq

Orsoqarpallaanik, tarajoqarpallaanik tungusunnippallaanillu nerisaqarpallaarpugut, nerisassallu peqqinnanngitsut piareeriikkat pisiniarnermi koorini inituallaarput. Tamanna tunisat kisitsisaanni uppernarsarsinnaavagut. Pilersuisumi piareeriikkat peqqinnanngitsut pisiarinagit peqqinnarnerusunik qalariaannarnik nerisinnaanissannut misileraanissat pisariillisarniarsaraarput.

Mamarisavut, Pilersuisup nerisassiornermi silarsuaa
KNI-mi isumaqarpugut sumiluunniit najugaqaraluaraanni – illoqarfimmi nunaqarfimmiluunniit – peqqinnartunik iganissamut periarfissaqartoqartariaqartoq. Pisisartorpassuagummi nioqqutissarpassuarnik toqqagassaqarneq ajorput, tassami sumiiffinni naatitanik grønsaginillu nutaanik tikisitseriaannaanngitsuni najugaqaramik. Taamaattumik KNI-p Pilersuisullu 2018-imi Mamarisavut.gl pilersippaat, tassani nerisassiornermi ilitsersuutit nunatsinni ulluinnatsinnut naleqqussakkanik aallaavillit nanisinnaavatit.

Pinngortitap pisiniarfiullu nioqqutaannit pitsaanersaannit

Nunatsinni pissarititagut Pilersuisumilu toqqagassat ataatsimoortillugit Mamarisavut nerisassianik ilitsersuusiornikuuvoq. Ilitsersuutit pisariillutillu akikipput, taamatullu nunatsinni ukiup qanoq ilineranut nunatsinnilu nioqqutissat killeqarsinnaanerannut tulluarsagaapput. Ulluinnarni nerisassanut peqqinnartunut, nalliuttorsiornermi sassaalliutissanut kaaginullu ilitsersuutinik nutaanik nassaarfigiuaannarsinnaavat.

Kikkut tamarmik peqataasinnaapput

Igasalerlaanut aamma ilitsersuutinik tulluuttunik peqarpoq, soorlu ilitsersuutit, siunnersuutit teknikkillu pisariitsut atorneqarsinnaasut. Taamaalilluni eqqissiivilluni ilitsersuutit tulleriiaarujoorlugit igasoqarsinnaavoq, ataasiakkaarlugimmi nassuiaatitaqaramik. Ilitsersuutit arlallit filmeeqqatut aamma sanaajupput.

Meeqqat igaqatigalugit

Mamarisavut meeqqanut aamma peqarpoq, taanna ateqarpoq Pipaluup Nerisassiortarfia, meeqqallu atuarfianni atuartut nukarlernut akullernullu tulluarsagaalluni. Pipaluup Nerisassiorfiani meeqqat Pipaluk naapissavaat, Pipalullu nerisassiornermik nuannarisaqarpoq toornaatinilu nanoq pinnguaqatigissallugu aamma nuannarisarivaa. Nerisassiorfiup siunertaraa iganermik nuannarisaqalernissaq meeqqallu igaffimmi alapernaallutik nerisassiortalernissaat, taamaasillutik siusissukkut iganermut misilittagaqarniassagamik igaffimmilu nuannersunik naammassisaqarlutik misiginiassammassuk. Pipaluup Nerisassiortarfiani nerisassat akussaat, igaffimmi atortut iganerlu meeqqat ilinniassavaat. Ilitsersuutit ajornanngitsuupput, sanallugit nuannersut akuutissallu amerlanngitsut atorneqarlutik, kikkut tamarmik igasinnaasaannik. Meeqqammi nerisassat misilittarunikkit, naamagunikkit misissuataarunikkillu nerisassanut nalinginnaasumik soqutiginnilissapput, tamannalu inuunermi sinnerani pigissavaat.

Ukiup affaanut nalunaarut 2023

KNI A/S ukiup naatsorsuiffiusup 2023/24-p affaani siullermi akileraarutit akilinnginnerini 140 mio. DKK-nik sinneqartoorpoq. Angusat siorna ukiup taama ilinerani angusanit pitsaanerungaartunit 56 mio. DKK-nik ikinnerupput.

Atuaruk
KNI sulisoqarnermut, attaveqatigiinnermut piujuaannartitsinissamullu pisortassaminik nassaarpoq

Atuaruk
Pilersuisumi akinik qaffaanermi paasissutissat

Atuaruk

Najoqqutassatut atuakkamut aqqut qaninneq

Atuagaq najoqqutassaq angerlarsimaffinni skærminnut toqqoruk qaqugukkulluunniit atoriaannanngorlugu.

1. Toornerit pingasut talerpiani teqeqqumiittut tuukkit

2. ”Føj til startskærm” tooruk

Startskærminnut ilannguguk

Najoqqutassatut atuakkamut aqqut qaninneq

Atuagaq najoqqutassaq angerlarsimaffinni skærminnut toqqoruk qaqugukkulluunniit atoriaannanngorlugu.

1. Skærmivit naqqani tooruk

2. "Føj til hjemmeskærm” tooruk

Angerlarsimaffinni skærminnut ilannguguk