Pilersuisumi akinik qaffaanermi paasissutissat

Nioqqutissat akiisa qaffannerat pisisartutta maanna kingusissumi malugisaat, nunarsuarmi akit qaffannerannit taamatullu angallannikkut akigititat qaffannerannit peqquteqarput.

Nioqqutissat akii, nioqqutissat amerlanngitsut minillugit, nunarsuaq tamakkerlugu ukiut marluk kingulliit malunnaatilimmik qaffariarput qaffakkiartorusaarlutillu. Piffissami tassani nioqqutissat akii agguaqatigiisillugu 21 %-imik qaffariarput.

Nioqqutissat akiisa qanoq annertutigisumik qaffanneri nioqqutissap suunera apeqqutaalluni assigiinngingaatsiarput. Sukkut akitsornerpaapput, taakkumi 43 %-imik ukiuni kingullerni akisunerulerput. Grøntsagit panertut suliareriikkalluunniit 23 % -ingajannik akisunerulerput, qajuusat issingiassallu 20 %- inik akisunerulerlutik.

KNI Namminersorlutik Oqartussanit pigineqarpoq, tuniniaanitsinnilu (nioqqutissanik ikummatissanilluunniit) annerpaamik isertitaqarniarnissarput siunertaanngilaq – niuernermili anguniagaraarput naammattunik isaatitsisinnaanissaq aningaasaqarnitta oqimaaqatigiilluarnissaa eqqarsaatigalugu. Taamaattumik nioqqutissanik akitsuinngilagut suli annerusumik isaatitserusukkatta, pisiortornermili akit qaffannerat peqqutaavoq. Nioqqutissaatigut akitsoraluartut iluanaarutigut annertusinngillat – nioqqutissanik akitsuineq pisiortornermi akit taamatullu nassiussassalerinermi akit qaffannerannut matussusiiginnassaaq.

Januar 2022-imiit september 2023 ilanngullugu nioqqutissat akitsoriartornerat ataani takuneqarsinnaapput. (Danmarks statistik).

Nioqqutissap suunera: nerisassat imigassallu aalakoornartortaqanngitsut.

KNI-p nioqqutissat akiisa allanngunnginnissaat sapinngisamik sivisunerpaatinniarsarissallugit ataavartumillu naleqqussassanagit aalajangernikuuvoq – tassa akit appariartoqqilernissaat neriuutaanikuugami. September 2022-mili kingullermik akinik qaffaanikuuvugut. Taamaattumillu piffissami sivisuumi nioqqutissanut akigitinneqartut eqqortut ataallugit akilersuititsivugut. Annertunerusumik akitsuinerit pisisartut maanna malugivaat, ataavartumik pisiassanik qaffaasoqarnikuunngimmat. Pilersuisup siunissami akulikinnerusumik akit naleqqussartarumaarpai.

Nioqqutissat akiisa qaffannerannut paasissutissat:

Pilersuisumi ulluinnarni nioqqutit misissorpagut – katillugit 5.863-it nioqqutissaatitsinni.

Nioqqutissat 2.466-it agguaqatigiisillugu 10,5 %-imik akimikkut qaffariaateqarput.

Nioqqutissat 3.006-it akii taamaaginnarput, tassa imaappoq nerisassat 51 %-ii akitsunngillat.

Nioqqutissat 404-it agguaqatigiisillugu 18 %-imik akikillipput.

Akinik nalimmassaanermi kukkuluttornerit

Nioqqutit akiisa ataatsikkut naleqqussarnissaat suliarujussuusarpoq, naleqqussaanermilu nioqqutissat ataasiakkaani akigitilikkat nutaat kukkuneqarput. Tamanna ajuusaarnarpoq. Akit kukkusut paasigaangatsigit soorunami aaqqittarpagut – nammineq misissuinikkut imaluunniit pisisartut paasititsineratigut. Sooq kukkussuteqartoqartarnersoq taamaasilluta aamma ilinniarfigisarparput, siunissarlu isigalugu kukkussutit taamak ittut ikilisinnissaat neriuutigaarput.

Akit kukkusut assersuutit:

  • Riberhus ost 340 g – 90,95 kr. – aaqqinneqarpoq imatullu akeqartussaalluni: 45,00 kr.
  • Rema mel 2 kg – 42,95 kr. – aaqqinneqarput imatullu akeqartussaallutik: 27,95 kr.
  • Alle 2 liter Safti – 72,95kr. – aaqqinneqarpoq imatullu akeqartussaalluni 52,95 kr.
  • Suntop drik 37,95 – aaqqinneqarput imatullu akeqartussaallutik: 24,95kr.

Illoqarfinni minnerni nunaqarfinnilu niuertarfinnik ingerlataqarneq

Nunaqarfimmi illoqarfimmiluunniit minnerni niuertarfiuteqarneq assersuutigalugu Nuummi, Sisimiuni Ilulissanilu niuertarfiuteqarnermiit ingerlannera akisuneruvoq. Nassiussalerinermi akilertakkagut annertunerujussuupput, quersuit qerititsiviillu aamma amerlanerit pigaagut – taakkulu akeqarput. Taakkulu saniatigut Pilersuisoqarfinni pisisartugut ikinnerujussuusarput illoqarfiit annerniit, pisisartugullu, pisiniarfik ataaseq najoqqutaralugu, ukiut tamaasa ikiliartorput. Tamanna isumaqarpoq, pisiniarfiit allat illoqarfinni annerniittut assigalugit nioqqutissanik akikilliliisinnaaneq ajorpugut, aningaasaqarneq allaanerummat – tassa piviusumik inissisimaffipput taamaappoq.

Sooruna akinik qaffaasoqartariaqartoq, KNI-mi 2022/2023-mi sinneqartuungaatsiarpoq?

Sinneqartoorneq Polaroilimeersuuvoq. Polaroilip nunarsuaq tamakkerlugu ikummatissap akia qaffasissoq aammalu takornariartaassuit tikittartut ilaatigut isaatitsiffigingaatsiarpai. Aningaasat isertut taakku Pilersuisumi akit appasitsiinnarnissaannut matussusiiginnarsinnaannginnamik? Akissut naatsoq aana, Namminersorlutik Oqartussallu isumaqatigiissuterput malillugu taamaaliorsinnaanngilagut.

Namminersorlutik Oqartussat KNI-llu isumaqatigiissutaanni allaqqavoq, divisionini sinneqartoorutit divisionini allani atorneqassanngitsut. Tassa imaappoq, Polaroilimi sinneqartoorutit Pilersuisumi atorneqarsinnaanngillat. Taamaattumik KNI-p immikkuullarissumik sinneqartoorujussuarnera KNI-p pisiniarfiutaani nioqqutissanik akikillisaassutaasinnaanngillat.

Inussiarnersumik inuulluaqqusillunga

Jeppe Jensen, KNI-mi pisortaaneq

Kigutitit inuunerit tamaat pigissavatit

Peqqissutsit KNI-mi pingaartitaraarput. Taamaattumik Kigutigissarfiup Ullua ukioq-manna aamma malunnartipparput.

Atuaruk
2005-imili KNI Arctic Circle Racemi annermik aningaasaliisarpoq

KNI-mi pisartut kulturitsinni ataatsimoorfigisavut tapersersugarivagut.

Atuaruk
Qimussernerup kulturia tapersersorparput

KNI-mi pisartut kulturitsinni ataatsimoorfigisavut tapersersugarivagut.

Atuaruk

Najoqqutassatut atuakkamut aqqut qaninneq

Atuagaq najoqqutassaq angerlarsimaffinni skærminnut toqqoruk qaqugukkulluunniit atoriaannanngorlugu.

1. Toornerit pingasut talerpiani teqeqqumiittut tuukkit

2. ”Føj til startskærm” tooruk

Startskærminnut ilannguguk


Warning: file_get_contents() [function.file-get-contents]: Filename cannot be empty in /var/www/kni.gl/public_html/wp-content/themes/kni/footer.php on line 130

Najoqqutassatut atuakkamut aqqut qaninneq

Atuagaq najoqqutassaq angerlarsimaffinni skærminnut toqqoruk qaqugukkulluunniit atoriaannanngorlugu.

1. Skærmivit naqqani tooruk

2. "Føj til hjemmeskærm” tooruk

Angerlarsimaffinni skærminnut ilannguguk