Illerngit nutaat

Pisortaanerup oqaaseqaataa

Nunatsinni isorartoorsuarmi najugaqarpugut – pisariaqartinneqartullu pissarsiarineqarsinnaanissaat sulissutigisarparput.
Nioqqutissat ikummatissallu nunatsinni najugaqarfinnut tamanut apuunnissaat ullut tamaasa sulissutigiuartarparput.

Pisiniarfitsigut ikummatissaataasivitsigullu pilersuinerput ukiorpassuarni ingerlassimavarput. Akisussaaffipput tamanna eqquutsikkumallutigu aalajangiusimajuarsimavarput. Pissutsilli allanngoriartorput – pisisartullu pisariaqartitaat aamma allanngoriartorput.

Nutaamik periusissiornitsinni “Illerngit nutaat” tunngavigalutigu ingerlariaqqissaagut: Pilersuinerinnaq kisiat sammiunnaarparput – suliffeqarfittulli niuernermik ingerlataqarnissarput sukumiinerusumik ingerlaviginiarparput.

Tamannali pilersuinissamik pisussaaffitsinnik atuukkunnaartitsinissatsinnik isumaqanngilaq. Nioqqutissat pisariaqartinneqartut suli pissarsiarineqarsinnaassapput ikummatissamillu pilersuineq aamma ingerlaannassaaq.

Allanngortussarli tassaavoq eqqummaariffiginninnitta allanngortinnissaa. Pisisartut sumiiffimminni pisariaqartitaat pisiarerusutaallu eqqortunik amerlassuseqartinnissaat tunngavigalutigit qulakkeerinninnerulissaagut.
Avannaani, Kujataani, Tunumi Kitaanilu pisariaqartinneqartut assigiinngillat – tamannalu nioqqutissanik qiniataagassaqartitsinitsinni aaqqiissutigisartakkatsigullu takuneqarsinnaassaaq.

Tamatumunngali ilutigitillugu ingerlalluartumik patajaatsumillu niuernermik pilersitsinissatsinnik suliaqassaagut. Siunnerfeqarluarluta sulinerput ineriartortissavarput, taamalu ililluta sapinngisatsinnik allanngoranngitsumik naleqquttumillu pilersuilluta – nunatsinni tamanut iluaqutaasumik.