Sullivik pitsaasoq

19-02-2024

Sulisut pikkorissut KNI-p pingaarnertut isumalluutigai. Taamaattumik sulisutta naammagisimaarinninnissaat tamatta soqutigisaraarput. Sulisut tamarmik inuttut pingaartinneqarnertik misigissagaat kiisalu inuttut namminneq nukittuffitik atorlugit suliffeqarfimmut tunniussaqarsinnaanissaat pingaartipparput tamattalu pikkoriffivut atorlugit sulilluarnitsigut KNI-mut ullut tamaasa sunniuteqarluartumik sulinissarput pingaartillutigu.

Suliffimmik nuannarinnilluarneq tatiginassuserlu

Suliffimmik nuannarinninneq: Qaffasissuseq 82. Kalaallit Nunaanni suliffiit allat agguaqatigiisillugu: Qaffasissuseq 77.

Tatiginassuseq: Qaffasissuseq 86. Suliffiit allat Kalaallit Nunaanni agguaqatigiisillugu: Qaffasissuseq 82.

Taamaattumik KNI Ennova-mik (suliffeqarfik sulisut naammagisimaarinninnerinik misissuinermik sulialik) suleqateqarnermigut sulisut naammagisimaarinninnerat ukiut tamaasa misissuiffigisarpaa.

Sulisut naammagisimmaarinninnerinik misissuineq 17. oktoberimiit 31. oktoberimut ingerlanneqarpoq.

Nukittuunik attuumassuteqartarneq KNI-p ilisarnaatigaa

– Suleqatinut aqutsisunullu. Sulisut naammagisimaarinninnerinik misissuinermi KNI A/S-imi sulisut nunatsinni naammagisimaarinninnerpaat ilaanniittut paasineqarpoq, arlalitsigullu anguneqarsinnaasuni pitsaanerpaamik inissittarluta kiisalu sulinermik nuannarinninnermi tunniusimanermilu nunatsinni agguaqatigiisitsinermi KNI qaffasinnerpaami inissisimalluni.

– Tamatuma saniatigut sulianut kajumiginninnermut agguaqatigiisitsinermi KNI qaffasinnerusujussuarmik inissisimavoq, kisitsisinilu agguaqatigiisitsisarnermi suli qaffasinnerusumik inissittartut akuttusuujupput. KNI aalajaallutik sulisunik suliffimmik tulluusimaarutiginnittunik sulisoqarpoq. Sulisunik nittarsaassinermik suliniummik aallarteriikkatsinnut tulluusimaarutiginninneq ambassadøriunerlu misissuinermi paasisavut suliniaqqinnitsinni atussavagut. Juliane Henningsen Heilmann, sulisoqarnermut, attaveqaqatigiinnermut piujuartitsinermullu pisortaaneq oqarpoq.

Suliat suunerinut KNI qaffasinnerpaamik angusaqarpoq, tassami sulisut KNI sinnerlugu pingaarutilinnik suliaqarnertik nalilerpaat. Suleqatigiilluartoqarpoq suleqatigiillu ataatsimoorluinnarlutik.

KNI suleqatinut tunngavoq

Siunissaq ataatsimoorupparput

Suleqatigut pikkorissut ilaginagit nuna tamakkerlugu suliassat ullut tamaasa naammassisakkagut sapissagaluarpagut. Tamarmik pikkorriffimminnik suliarerusutaminnillu suliaqarnermikkut tapersersueqataapput. Taamaammat ataatsimut nukittuvugut. Assigiinngissuserpummi nukissaqarfigaarput. Tamanna pillugu filmimi ataaniittumi annertunerusumik tusagaqarsinnaavutit.

Nikolaj Svendsen naapiguk

“Aqerluusaannarsornerup nalaaneersuuvunga”.

14-inik ukioqartunga Kangersuatsiami niuertorutsip KGH-p pisiniarfiani ulloq 1. april 1967 misilinneqarlunga atorfinitsippaanga. Ullut tallimat qaangiutiinnartut pisiniarfimmi sulilivippunga – maannakkut ukiut 56-it ingerlareersut suli KNI-mi atorfeqarpunga. Oqarsinnaavunga, suliffeqarfinni allani sulerusulernikuunngisaannarpunga.

Kangersuatsiami pisiniarfik taamani pisiassanik nammineq tigooraalluni pisiniarfiunngilaq kisianni pisiniartitsiviup saanut qeqqilluni pisiassanik tikkuartuisoqartarpoq, nioqqutissallu tikki tipigissut tamarmik naamaneqarsinnaallutik. Kaffet, paarnarsuit qaqortut, tupat, qisuit allunaasallu – aah, tipigersuaq. Pisiniat pisiassaminnik tikkuartuisarput pisiassaallu uagut isaassortarpavut. Ameerniutaat aamma pisiarisarpavut. Sunannguaq tamarmi aqerluusamik allattoqqissaarneqartarpoq. Taamaattumiguna oqartartunga: Uanga saviminernik sakkoqarnerup nalaaneersuunngilanga – uanga aqerluusaannarsornerup nalaaneersuuvunga.

Atuaruk