KNI-mi ukiuni 21-ni: Suulup oqaluttuassartaa

Tamakku ilagaat Søren Olsvig, nunap immikkoortuani pisortaq Aasianni sulisoq.

Suulut ukiut 21-t sinnerlugit suleqatiginikuuarput, KNI-milu suliamut tunngatillugu inuttullu qanoq siuariartortoqarsinnaaneranik takussutissiivoq. Suulut qiimasuunermigut, unneqqarissuunermigut nutaamillu eqqarsartarnermigut sulisuuvoq tunniussaqarluartartoq.

Suulup sulinermi avataatigut peqatigiiffik T-41 siulittaasuuffigaa, suliniuteqarnerminilu isikkamik arsarneq kinguaatta aamma nuannaarutigissagaat suleqataaffigalugu.

Ilaqutariiussuseq Suulummut pingaaruteqaqaaq. Sunngiffimminni ilaquttanilu angalaartarput ulluinnarnilu pinngitsoorsinnaanngisaminnik pinialuttarlutik.

Suulup KNI-mi sulinermini ulloq aallartittarpaa ikummatissaataasivimmi uninngasuutit tamaasa misissorlugit, taamalu ililluni suleqatini toqqissisimasumik sulisinnaaqqullugit. Ajornartorsiortoqaleraangat akisussaassutsimik tigusisarnini sukkasuumillu qisuariartarnini ilisimaneqaatigai – pingaartumik teknikikkut –suliassatigut.

Pisisartunik qitiutitsiuarnermigut pisisartut tikilluaqqusaasutut misigiuarnissaat anguniartarpaa. Kaffemik najoqqaajutaa oqaloqatigiinneq periusaasa ilagaat.

Tamatsinnut ulluinnarni ajornannginnerulersitsisunik Suulut ukiut ingerlanerini nutaaliortuartarsimavoq. Angusaqarluarumalluni suleqatini qanimut pilersaarusioqatigiuaannarpai.

Suulut KNI-mi sulinermini nammineq aalajangiisinnaassuseqarnini nuannareqaa. Sulisut, pingaartumik sulilerlaat, misilittakkaminik iluaquteqarniassammata avitseqatigiuaannarpai.

KNI-mi pingaartuupput akisussaassuseqarneq, suleqatigiinneq, nutaaliorneq pisisartullu misigisaqarluarnissaat. Søren Olsvig tamakkununnga assersuutissatsialaavoq.

KNI A/S – Ataatsimoorluta sunniuteqaqataavugut.