Nunaminut ilisimaarinnittoq aqutsilluartorlu | Ivalu paasisaqarfigiuk

Ilulissani KNI Engrosimi pikkorissumik suleqateqarpugut, Ivalu H. Markussen.
Ivalu 2022-mili KNI-miilerpoq, 2024-milu Ilulissani quersuaq akisussaaffigilerpaa.

Ivalu Ilulissani inunngorpoq peroriartorlunilu. Illoqarfik, inuit ulluinnarnilu inooriaaseq nalunngilluarpai. Sumiiffigisamini ilisimasani sulinermini nukittoqqutigai – tamatumani ilisiviit nioqqutissanik imaqartiinnarnissat kisimi pineqanngilaq, aammali pisisartut suut pisariaqartinneraat paasisimaneqassaaq.

Quersuarmi pisortatut noqqaassutit suliarineqarnissaat, nioqqutissanik pisiortornissaq ilisiviillu imaqarnissaat Ivalup isumagisarpaa. Suleqatini qanimut suleqatigai, ajornartorsiutillu ataatsimoorluni aaqqittarnissai Ivalumut pissusissamisuuginnarpoq. Suleqatigiinnissaq pingaartilluinnagaasa ilagaat – ataatsimoornermiuna suliffimminik nuannarinninneranik pilersitsisartoq.

Akisussaassuseqarneq sulinerani initoorujussuuvoq. Ullut tamaasa suliartorluni, qiimalluni sulinissamullu piareeqqalluni kiisalu pisiniarfimmi quimilu torersuutitsilluni. Tamanna naatsorsuutigineqarsinnaajuaannarneranik pisisartunut suleqataasunullu takutitsivoq.

Atorfimmili aamma nutaaliorsinnaaneq pineqarpoq. Ilulissani namminneq nioqqutissaminnik pisiortortarput, taamalu iliornissamut alaatsinaattuunissaq aaqqiissuteqarusussuseqarnissarlu pisariaqarpoq

Suliffiup avataani Ivalu pinngortitamiinnermini eqqissinermik nukissamillu pisarpoq. Ilaquttanilu qimmiminniilluartarput pinialunnerminilu pisaminnik pilisarlutik. Qaleralinnik pujoorinermik ammassannillu panertitsinermik ileqqoq tulluusimaarutigalugu ingerlateqqippaa. Tamanna ulluinnarni akisussaaffimmik tigusinermik takutitsivoq, imminuinnaq tunngatinnagu, aammali avatangiiserisamiittut ilanngullugit.

Nammineq oqarneratuut, suli KNI-mi nutaajugaluarluni, aqutsisutut Ivalu ineriartorpoq. Nutaanik ilikkagaqarnissamut alapernaattuuvoq, periarfissat nutaat qilanaarisarpai. Ivalumut KNI tassaavoq pimoorussigaanni ineriartorfissatsialak.