Plastikkit timmiarussat, uumasut imarmiut miluumasut aalisakkallu nerisartakkatta aqarajuinut pisartut ajornartorsiutigileraluttuinnarparput. Taamaattumik kinguaatta nunatsinni pinngortitamik mingutsinneqarsimanngitsumik kingornussassaqartinnissaannut qanoq iliuuseqartariaqarpugut.
Suliniutitsinnut ilaavoq uuliap puukui pinngortitamut qimaannarneqannginnissaanut Polaroilimi Pilersuisumilu ataatsimoorluta qanoq iliuuseqarpugut. Nioqqutit Texacomeersut utertillugit aningaasannassutigineqarsinnaanerat 2020-miilli periarfissaalersinnikuuarput.
Uagut plastikkiutigut – uagut akisussaaffipput
Nunatsinni eqqakkanut tunngatillugu sukumiisumik misissuinerit takutippaat eqqakkat pinngortitamiittut tassaasartut nammineq atornikuusavut. Tamanna pingaarnertut marluinngorlugu avinneqarsinnaavoq. Siullertut taasinnaasavut tassaapput ulluinnarni atortakkatsinneersut, assersuutigalugu imeruersaatit, naatsiiat panertut kaageeqqallu puukui. Aappaattut aalisarnermiit/piniarnermiit igitat: assersuutigalugu ningitakkat, qassutit, aaqqatit, imassakut kiisalu dunkit motoorinullu perrassaatit puukui.
Puukut plastikkiusut ukiut 3-400-it pinngortitami arrorniartarput. Nungutinneqareeraluaraangamiluunniit tammartanngilaq mikisuararsuannguinnartarlunili. Plastikkit manngersut mikisuararsuanngortut immamut pisarput, immamilu uumasuaqqat aalisakkallu nerisarpaat. Taamaattumik igitassaatitta katersortarnissaat akisussaaffiginissaallu pingaaruteqarpoq. Taamaattumik 2020-mi utertitsisitsisalerpugut dunkit Texacomeersut utertinneqarsinnaasunngortinnikuullutigit.
Imminut akilersinnaavoq
Utertitsisarneq imminut akilersinnaavoq, tassami poortuutinut taama ittunut pisisartugut qaavatigut akiliuteqarneq ajorput. Akerlianik pisisartugut pinngortitami saliinermikkut aningaasannassinnaapput. Maannamut dunkit amerlasuut katersorneqareersimalerput, sulili pitsaanerulersitsisinnaavugut. Anguniagaraarput maqittakkat dunkillu tunisatta 70 %-iit 2025-mi utertinneqartalersimanissaat. Taamaattumik suli amerlanerit katersisalernissaat utertitsisalernissaallu anguniarlutigu utertitat Texacomeersut 3 kr.-imiit 5 kr.-imut 2022-mi qaffapparput.
Ataatsimoorluta angusaqarnerusinnaavugut
Ataatsimoorluta angusaqarluarnerusinnaalluta upperaarput. Tassami plastikki eqqagassallu aalisakkanit, timmiarussanit miluumasuniillu nerineqannginnissaat assorsuaq pingaaruteqarpoq. Polaroilimi Pilersuisumilu suleqatigut perrassaatit puukuinik tigooqqaanissaminnut piareeqqajuannarput, tigooqqakkatillu sumiiffinni eqqakkanik tigooqqaavinnut poorluarlugit nassiuttarpaat. Pinngortitap minguitsuutinneqarnissaanut uumasullu plastikitornaveersaartinnissaannut amerlasuut ikiorumaaraatigut neriuutigaarput.
