Ukiup affaanut nalunaarut 2023

KNI A/S ukiup naatsorsuiffiusup 2023/24-p affaani siullermi akileraarutit akilinnginnerini 140 mio. DKK-nik sinneqartoorpoq. Angusat siorna ukiup taama ilinerani angusanit pitsaanerungaartunit 56 mio. DKK-nik ikinnerupput.

Ukiup affaata ingerlasimanera
Isertitat Nioqquteqarnermik Ingerlatsiviup nioqqutigisassatut pisiarisartagaannit akitsoriartortunit, piffissap ingerlanerani tuniniaanermi tamakkiisumik matussusertinneqarsimanngitsunit, sunnerneqarput. Tamanna taama ililluni pisisartunut iluaqutaasimavoq. Nioqqutit pisiniarfinni akiisa naleqqussaavigineqarnerat aatsaat ukiap ingerlanerani tamakkiisumik ingerlanneqarpoq, taamatullu iliorneq Nioqquteqarnermut Ingerlatsivimmut pitsaanngitsumik sunniuteqarpoq. Isertitat Nioqquteqarnermik Ingerlatsiviup ukiorpassuarni immiaaqqanut sodavandinullu pisisartuminik annaasaqarneranit aamma sunnerneqarput. Tamanna poortuutissat pillugit nalunaarut ulloq 1. januar 2024 atuutilersussaq kiisalu Nuuk Imerup immiaaqqanik sodavandinillu tunisassiorunnaartussaanera tunngavigalugit niuernermi pissutsit allanngornissaasa kingunissaasa siulliit ilagaat.

Ikummatissaqarnermik ingerlatsivimmi isertitat kiffartuussinissamik isumaqatigiissummi ingerlatanit isumaqatigiissutillu avataani ingerlatanit amerlasuunit sunnerneqarput.

Nuummi, Ilulissani Qaqortumilu mittarfiliortoqarnerani, taakkununngalu attuumassutilinnut allanit, kiffartuussinissamik isumaqatigiissutip iluani ingerlatat naatsorsuutigisamiit amerlanerunikuupput. Kiffartuussinissamut isumaqatigiissutip iluani suliassani angusat naammagisimaarnarput, tassami ikummatissap pisiarineqartup qanoq akeqarnissaanik qularnaarinninnikkut nunarsuarmi ikummatissaq akitsoriartupilooraluartoq atuisut akisunerusumik akiliinissaraluat ukioq naallugu ingalassimatinneqarnikuuvoq.

Kiffartuussinissamik isumaqatigiissutip avataatigut isertitat umiarsuit takornariartaatit pilersorneqarneranniit angusat pitsaasumik sunnerneqarput. Umiarsuit takornariartaatit tikittartut amerlinikooqaat, 2022-misulli Island-imi 2023-mi ikummatissamik pilersuineq ajornartorsiorfiunikuunngimmat nunatsinni angallatit orserniartut taamaallaat amerlariaateqalaaginnarnikuupput. Umiarsuit takornariartaatit amerlanerit ukioq manna Island-imi orsersornikuupput.

Ingerlatat amerlasimagaluartut, ukioq mannalu ikummatissamik pisineq piffissaalluartillugu pisimagaluartoq, Ikummatissaqarnermik Ingerlatsiviup isertitai siornamut sanilliullugit ikileriarsimaqaat. Tamanna pissuteqarpoq ikummatissamik nioqqutissarsinermi akiliutigineqartoq nunarsuarmilu akiusut 2022-misulli nikingavallaarsimannginnerinik.

Ukiumut naatsorsuutigineqartut
KNI A/S-ip ukiup naatsorsuiffiusup 2023/24-p affaani kingullermi ukiup affaanut siullermut sanilliullugu angusassani ikinnerussasut naatsorsuutigaa, tassa takornariat ilaatigut ikinnerusussaanerat pissutigalugu.

Nalunaarut uani atuaruk
KNI sulisoqarnermut, attaveqatigiinnermut piujuaannartitsinissamullu pisortassaminik nassaarpoq

Atuaruk
Pilersuisumi akinik qaffaanermi paasissutissat

Atuaruk
Meqqusaalik nunarsuarmi tamarmi ilusilersuisartut akornanni akissarsitinneqartoq

Sisimiuni KNI-mi nittarsaassinermik immikkoortortaqarfik aamma MarketSquare Københavnimeersoq ilisarnaammik ilusilersukkaminnut Meqqusaalimmillu oqaluttuarnerminnut nuimasumik akissarsiaritinneqartartumik Cresta Award-imik akissarsitinneqarput.

Atuaruk

Najoqqutassatut atuakkamut aqqut qaninneq

Atuagaq najoqqutassaq angerlarsimaffinni skærminnut toqqoruk qaqugukkulluunniit atoriaannanngorlugu.

1. Toornerit pingasut talerpiani teqeqqumiittut tuukkit

2. ”Føj til startskærm” tooruk

Startskærminnut ilannguguk

Najoqqutassatut atuakkamut aqqut qaninneq

Atuagaq najoqqutassaq angerlarsimaffinni skærminnut toqqoruk qaqugukkulluunniit atoriaannanngorlugu.

1. Skærmivit naqqani tooruk

2. "Føj til hjemmeskærm” tooruk

Angerlarsimaffinni skærminnut ilannguguk